И денеска не очекуваат дожд и грмежи
Времето денеска во Македонија ќе биде променливо облачно со повремени локални врнежи од дожд. На повеќе места врнежите ќе бидат поројни и проследени со грмежи, особено во попладневните часови кога локално процесите ќе бидат поинтензивни со поинтензивен пороен дожд и засилен ветер.
Утринската температура ќе се движи од 13 до 20, а дневната од 20 до 28 степени.
Во Скопје слично време, променливо облачно со повремен пороен дожд проследен со грмежи и со засилен ветер. Утринската температура ќе се спушти до 17, а дневната ќе се искачи до 25 степени.
УВ-индексот ќе има вредност 4.
За време на продолжениот празничен викенд ќе преовладува променливо облачно време со повремени врнежи од дожд кои ќе имаат променлив интензитет и ќе бидат проследени со грмежи, особено нестабилно ќе биде во попладневните часови кога врнежите ќе бидат поројни проследени со грмежи и со засилен ветер.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
