(ВИДЕО) Вистинска зима во Србија: Снимки од снежениот Копаоник го шокираа светот
Снимки од заснежениот Копаоник денеска го обиколија интернетот, прикажувајќи невообичаени мајски сцени кои повеќе потсетуваат на зима. Бели пејзажи и снег кој сè уште вее создадоа илузија на патување низ времето, а многумина коментираа со воодушевување и изненадување. Некои се пошегуваа на сметка на чистењето на снегот во јули, додека други забележаа дека можеби патните служби сега ќе завршат со работа.
Србија денес се соочува со значително пониски температури од просекот за овој период, а во многу градови утрото беше исклучително студено, со температури под нулата во одредени места. Снежни сцени пристигнуваат и од Златибор, Златар и Јабука, создавајќи бајковити предели.
Според прогнозата на Републичкиот хидрометеоролошки завод (РХМЗ), денес ќе биде претежно облачно, значително постудено и ветровито, со дожд во повеќето области и снег на високите планини на југозапад и југ. Максималната температура ќе се движи од 10°C на југ до 17°C на север. Времето во наредните денови ќе биде променливо со сончеви и облачни периоди и локален дожд со грмежи, а дневната температура постепено ќе се зголемува.
View this post on Instagram
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
