Сијарто: Следното гласање за санкциите против Русија ќе зависи од исполнувањето на ветувањата на Европската комисија

Унгарскиот министер за надворешни работи Петер Сијарто денеска изјави дека следното гласање на Унгарија за продолжување на санкциите кон Русија ќе зависи од тоа дали Европската комисија ќе ги исполни своите ветувања.

Во Мадрид, Сијарто истакна дека санкциите што ЕУ ги воведе кон Русија во последните години ја „уништија конкурентноста на Европа“ и моделот на економски раст заснован на соработката со Русија, кој не е заменет со ништо, пренесе МТИ.

Тој исто така посочи дека санкциите предизвикале огромни загуби за европската економија, вклучително и Унгарија, која не беше вклучена во војната во Украина.