Денес повремени врнежи од дожд и температура до 12 степени
Времето денес ќе биде претежно облачно со повремени врнежи од дожд, на планините и на повисоките места од снег, особено во западните делови. Ќе дува слаб до умерен ветер од југоисточен правец, поизразен долж Повардарието. Минималната температура ќе биде во интервал од 3 до 8, а максималната ќе достигне од 7 до 12 степени.
Во Скопје облачно со повремени врнежи од дожд. Минималната температура ќе се спушти до 4, а максималната ќе достигне до 8 степени, јавува УХМР.
Под влијание на циклонска активност и во понеделник ќе се задржи претежно облачно време со повремени врнежи од дожд, а на планините и на повисоките места од снег. Од понеделник ќе дува умерен до засилен северен ветер што ќе предизвика значително заладување во текот на следната седмица.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
