ХАОС ВО БЕЛГРАД: По општа тепачка прекинат мечот меѓу Србија и Албанија

Натпреварот помеѓу Србија и Албанија е прекинат во финишот од првото полувреме.

Тензиите настанаа кон самиот крај од полувремето, кога над стадионот се развиори албанско знаме, кое беше носено од направа контролирана со далечински управувач.

Откако судијата го прекина мечот, страстите дополнително зовреа откако српскиот фудбалер Стефан Митровиќ го дофати конецот што го движеше знамето и се обиде да го симне.

Потоа во судир со Митровиќ влетаа неколку албански репрезентативци, по што дојде и до тепачка во која се вклучија играчите од клупите за резерви, а судијата го прекина мечот.