Во Атлантикот исчезна подморница која превезува туристи до потонатиот брод Титаник
Мини-подморница која превезува туристи до потонатиот брод Титаник исчезна во Атлантскиот Океан, јавува Би-Би-Си. Се наведува дека во тек е спасувачка операција.
Се уште е непознато колку луѓе имало внатре.
Ocean Gate Expeditions и Bluefish се единствените компании кои нудат вакви тури, а билетот чини околу 250.000 долари.
Веќе некое време помали подморници ги носат туристите до потонатиот брод , кој се наоѓа на длабочина од 3.800 метри на дното на Атлантскиот Океан, на околу 600 километри од брегот на Њуфаундленд, Канада.
Титаник потона на своето прво патување од Саутемптон до Њујорк во 1912 година, при што загинаа околу 1.500 луѓе. Потонатиот брод е пронајден во 1985 година.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
