ДУИ го предизвика Мицкоски: Веднаш објави ги тие СМС пораки
„Демократската унија за интеграција цени дека премиерот на Владата без етнички легитимитет, во недостиг на аргументи, продолжува да клевети и да создава непостоечки ситуации кои служаат за моментален дефокус за да се извади од срамните секојдневни ситуации“. Вака реагираат од ДУИ преку соопштение испратено до медиумите, откако претходно денеска премиерот од собраниската говорница порача дека има СМС пораки во кои високи функционери на ДУИ изразуваат подготвеност да прифатат и пола од тоа што коалицијата „Вреди“ го доби во Владата само за да останат на власт.
„Прво беше станот во Бутел со вооружени луѓе, потоа заклетва дека никогаш нема да го признае уставното име и договорот од Преспа, потоа зборуваше дека државата ќе се дестабилизира во септември, го нарече и проектот Коридор 8 епски коруптивен криминал и на крајот рече дека тоа е историско достигнување, рече и дека ќе го укине покачувањето на платите од 78% за функционерите и многу други работи кои се докажаа дека се лаги. исто како и се претходно, и „смс“ пораките од ДУИ се лаги. Бараме Мицковски веднаш да ги објави вечерва, во спротивно ќе биде обична лага и клевета од собраниската говорница. ДУИ останува посветена на сопствените приоритети и на граѓаните, кои за жал оваа Влада без етнички легитимитет ги нема, туку напротив не оддалечува од Европа и од добрите меѓуетнички и меѓусоседски односи“, стои во реакцијата на ДУИ.
31.10.2024 - 17:55
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
