Три израелски ракети погодија училиште во Газа: Над 100 лица загинаа
Над 100 луѓе загинаа во израелски напад врз училиште во градот Газа, објавија денеска палестинските медиуми.
„Бројот на загинатите сега е 100, има уште десетици ранети. Три израелски ракети го погодија училиштето во кое беа сместени раселени Палестинци“, изјави портпаролот на палестинската Агенција за цивилна одбрана, Махмуд Басал.
Израелската војска соопшти дека нападнала „командно-контролен центар“ на Хамас што бил во училиштето Ал-Табиин во населбата Дарај.
Палестинската воена група Исламски џихад соопшти дека нападот се случил „за време на утринска молитва“.
Исмаил Ал-Тавабта, генерален директор на владината канцеларија за медиуми во Газа, изјави дека „голем дел од повредените се во тешка и критична состојба“.
Во училиштето имало околу 250 жени и деца.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
