Две лица нападнати со нож во болница во Лондон

Еден човек е уапсен откако избол две лица во болница во Лондон во средата, соопшти британската полиција.

„Полицијата работи на утврдување на околностите. Во моментов инцидентот не се третира како терористички чин“, се вели во соопштението на лондонската полиција.

Вооружената полиција реагирала на инцидентот во Централната болница Мидлсекс откако била повикана и пронашла две лица со убодни рани. Според полицијата, едно повредено лице се здобило со рани опасни по живот.

„Полицијата уапси маж надвор од болницата“, се вели во соопштението, додавајќи дека тој исто така се лекува од повреди опасни по живот за кои веруваат дека самите си ги нанел.

„Полицијата работи на утврдување на околностите. Во моментов инцидентот не се третира како тероризам“, се наведува во соопштението.

Болницата беше привремено затворена, но сега е повторно отворена, соопшти полицијата, додавајќи дека полицајците ќе останат во болницата додека се вршат дополнителни претреси, но се уверени дека не бараат повеќе осомничени.

Лондонската служба за брза помош соопшти дека испратила неколку екипи на местото на настанот.