Македонија вечерва против Албанија - ,„црвено-жолтите“ ќе се борат за победа

Македонската фудбалска репрезентација е домаќин на Албанија вечер во Струмица во 8.коло од квалификациите за Светското првенство 2018.

„Црвено-жолтите“ овој дуел го очекуваат во победничката атмосфера и посакуваат нова победа по триумфот во саботата на гостувањето во Израел.

Селекторот на Македонија Игор Ангеловски очекува добро издание на неговите избраници и нови бодови.

– Се надевам дека со помош на поддршката од публиката ќе направиме позитивен резултат и на крајот сите заедно да се радуваме. Од натпревар во натпревар играме се подобро, па нека биде така и не мечот со Албанија, рече Ангеловски.

Натпреварот ќе се игра на стадионот „Младост“ вечер со почеток во 20:45 часот.

Со евентуална победа Македонија ќе може да се вмеша во борбата за освојување на 3.место на табелата во Г-групата.

На другите два натпревара од оваа група играат: Лихтенштајн – Шпанија и Италија – Израел.

Табела: Шпанија 19 бодови, Италија 16, Албанија 12, Израел 9, Македонија 6, Лихтенштајн 0.