Мбапе: Многу сме разочарани
Францускиот репрезентативец Килијан Мбапе изјави дека „триколорите“ се многу разочарани по ремито со Луксембург и пропуштената можност да направат голем исчекор кон пласман на Мундијалот 2018.
Франција иако важеше за апсолутен фаворит, синоќа во Тулуз со Луксембург одигра само 0:0.
– Разочарани сме многу што пропуштивме шанса да се зацврстиме на првата позиција во групата и да се одвоиме од конкурентите. Многу сме разочарани, но не сме скршени. Сега се враќаме на клупските обврски, а ќе настојуваме д апобедиме во последните две кола од квалификациите и да одиме на Светското првенство, изјави Мбапе.
Франција на дуелот со Луксембург покрај Мбапе во својот состав ги имаше и фудбалските ѕвезди Погба, Гризман, Лемар, Жиру…, но не успеа да го скрши отпорот на противникот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
