Вардар ја зголеми предноста во однос на конкурентите
Лидерот на табелата и шампион Вардар со победата од 1:0 над Ренова и по нерешените резултати на другите натпревари од 16.коло од Првата фудбалска лига ја зголеми бодовната предност во однос на конкурентите. Стрелец на единствениот гол на натпреварот Вардар – Ренова беше Дејан Блажевски во 77.минута.
На другите дуели немаше победник. Шкендија одигра нерешено 2:2 против Работнички, додека 1:1 заврши дуелот Шкупи – Брегалница. На два натпревара немаше голови – 0:0: Силекс – Пелистер и Победа – Македонија ЃП.
Табела: Вардар 37 бодови, Шкендија 31, Пелистер 29, Работнички 24, Ренова 20, Силекс 20, Шкупи 16, Победа 15, Македонија ЃП 11, Брегалница 9.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
