Младинската ракометна репрезентација ја доби својата група за ЕП - играме против домаќинот Данска
Младинската ракометна репрезентација на Македонија попладнево во Дубровник ги доби ривалите во групата од Европското првенство што од 28 јули до 7 август годинава ќе се игра во данските градови Колдинг и Вамдруп.
Македонија се наоѓа во групата Ц заедно со домаќинот Данска, Норвешка и Холандија.
Во групата А ќе играат селекциите на Франција, Швајцарија, Србија и Полска. Б групата ја сочинуваат Шпанија, Исланд, Словенија и Русија, додека во Д група се репрезентациите на Унгарија, Германија, Хрватска и Шведска.
Двете првопласирани селекции од секоја група ќе играат во борбата за медалите. Европски шампион пред две години беше селекцијата на Германија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
