За време на лет почина патник: Авион на Рејнар принуда слета, откако полетал од Тирана

Патник почина за време на лет на авиокомпанијата Ryanair од Тирана до Манчестер, пренесува германскиот весник “Bild”. Инцидентот се случил во неделата вечерта, кога авионот принудно слетал на аеродромот Станстед во Лондон.

Спасувачките екипи биле присутни на аеродромот, но за жал можеле само да ја потврдат смртта на патникот. Засега не се објавени дополнителни информации за идентитетот и возраста на починатиот, ниту за околностите кои довеле до неговата смрт.