Вил Смит му удри шлаканица на Крис Рок, па се извини за инцидентот на „Оскари“

Популарниот актер Вил Смит му удри шлаканица на неговиот колега Крис Рок на „Оскарите“, а потоа реши да се извини откако Академијата за филмска уметност соопшти дека би можела да преземе одредени мерки против него.

„Сакам јавно да му се извинам на Крис. Претерав и мојот потег беше погрешен“, кажа Смит.

Смит се качи на сцената, откако Рок кажа шега за избричената глава на неговата сопруга Џејда Пинкет-Смит, која се бори против алопеција.

„Насилството е отровно. Моето однесување е неприфатливо и неоправдано. Шега на сметка на Џејда беше премногу за мене“, објасни актерот.