ВИДЕО: Полицијата заплени едно кило дрога - Се апсеше во Карпош

Дваесетина минути по полноќ во Скопје, на подрачјето на Карпош, полициски службеници од СВР Скопје, со судска наредба, извршиле претрес во дом и други простории на 26-годишниот И.Ј. и 24-годишниот Ф.Ј. од Скопје.

Во домот бил затекнат Ф.Ј.(24), а при претресот, под седиштето на мотоцикл, кој бил во подрумот, биле пронајдени и одземени околу еден килограм марихуана и дигитална вага.

Ф.Ј. е лишен од слобода и задржан за понатамошна постапка, а се преземаат мерки за пронаоѓање на И.Ј.

Известен е јавен обвинител и по целосно расчистување и документирање на случајот ќе следува соодветна пријава.