Трагедија го потресе светот: Загинаа 21 лице во судир на камион, автобус и комбе во Мексико

Најмалку 21 лице загинаа во среда во сообраќајна несреќа на автопат што ги поврзува мексиканските држави Оахака и Пуебла, изјави висок функционер на мексиканската влада, објави Ројтерс.

Во објава на социјалните мрежи, министерот за внатрешни работи на Пуебла, Самуел Агилар, истакна дека во несреќата учествувале три возила и дека многу луѓе се повредени.

Мексиканскиот весник „Ла Жорнада“ објави дека фаталниот фронтален судир се случил кога камион за цемент се обидел да престигне друго возило пред да премине во спротивната лента и да удри во автобус, а потоа челно да се судри со комбе.

Во извештајот за печатот се наведува дека камионот по судирот паднал во клисура, а потоа се запалил.