Убиена инфлуенсерка во живо додека им се обраќала на следбениците на Тик-ток

Валерија Маркез им се обраќаше на своите следбеници на „Тик-ток“ во живо од нејзиниот салон за убавина во мексиканскиот град Запопан кога некој ѝ затропа на вратата и ѝ достави мал пакет.

„Тоа е мало прасе!“, извика 23-годишната инфлуенсерка додека се сврте кон гледачите и ја отвори плишената играчка со насмевка, објави Си-ен-ен.

Неколку моменти подоцна таа била мртва – згрчена на столот, крвта се лееше по масата пред неа додека преносот продолжуваше. Снимањето завршило дури кога некој ѝ го зел мобилниот телефон.

Според информациите од канцеларијата на државниот обвинител на Халиско, Маркез била убиена од маж кој провалил во нејзиниот салон, а случајот се третира како сомнеж за фемицид.

Смртта на Маркез, јавна личност со повеќе од 100.000 следбеници на Инстаграм, одекна низ целата земја, која со години бележи висока стапка на насилство и убиства на жени.