Таравари ја разреши директорката на детската болница „Козле“

Министерот за здравство, Арбен Таравари, денеска ја разрешил директорката на детската болница „Козле“, д-р Каролина Симоновска, а на нејзино место е назначена професорката Катерина Бошковска.

Сега разрешената директорката вчера побара од медиумите да не го споменуваат нејзиното име. Директорувањето и беше одбележано со јавен судир помеѓу лекарите вработени во клиниката и директорката при што таквиот однос доведе до реакции во јавноста.

Од министерството посочуваат дека со назначувањето на проф. Бошковска, се очекува стабилизирање на состојбите во болницата и подобрување на условите за работа на медицинскиот персонал, како и за пациентите.