Русија изврши нов напад со дронови врз Украина

Русија изврши напад со беспилотни летала врз Украина во текот на ноќта, при што загина еден цивил, а беа ранети четири лица во регионот на Киев, соопштија воени и регионални претставници. Украинската противвоздушна одбрана собори 60 од 93 руски беспилотни летала, објави военото воздухопловство.

Никола Калашњик, вршител на должноста гувернер на регионот Киев, изјави дека возач на камионот загинал од остатоците од дронот. Од остатоци од дронови оштетени се и неколку приватни куќи, при што се повредени четири лица, меѓу кои и едно 16-годишно момче, рече тој.

Воздухопловните сили соопштија дека руските беспилотни летала биле насочени кон девет украински региони низ целата земја. Оштетени се станбени куќи и деловни објекти во областа Доњецк на исток и Чернихив на север, соопшти армијата.