Околу 20.000 вработени не добиле плата за ноември лани

Според податоцита на Управата за јавни приходи обработени на втори јануари 2024 година, за ноември минатата година прифатени и неплатени конечни пресметки има за 10 921 вработено лице, а неприфатени пресметки има за 9 680 лица. Тоа, истакна на прес-конференција директорката на УЈП Сања Лукаревска, значи дека околу 20 000 лица не добиле плата за тој месец.

Според состојба за последни уплати на 29 декември 2023 година обработени на втори јануари 2024 година поднесени, прифатени и платени конечни пресметки има за 60.400 работодавачи што се однесуваат на 535 636 вработени лица, додека прифатени и неплатени пресметки има за 4.441 работодавач, односно 10 921 вработено лице, а неподнесени и неприфатени пресметки има за 5.534 работодавачи коишто се однесуваат на 9 680 вработени лица, истакна Лукаревска, на заедничка прес-конференција со министерот за финансии Фатмир Бесими и директорот на Царинската управа Стефан Богоев.