Традиционалниот собор во манастирот „Свети Пантелејмон“ го собра народот во молитва и заедништво
Денеска, манастирот „Свети Пантелејмон“ во селото Пантелеј, беше исполнет со верници од сите краеви.
Празнувањето започна уште од синоќа, кога многумина запалија свеќи за здравје и благосостојба, а утрово присуствуваа на светата божествена литургија, со која чиночалствуваше митрополитот Брегалнички, г. Иларион.
По богослужбата, за сите присутни беше подготвена традиционална манастирска трпеза.
Соборот на овој манастирски комплекс има вековна историја и претставува традиција што се негува секоја година.
Манастирот се наоѓа во селото Пантелеј, на околу 12 километри од Кочани, во живописните падини на Осоговските планини.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
