Наставник им наредил на учениците да претепаат врсник

Две години условна затворска казна доби наставник од северозападна Грција, обвинет за поттикнување на неговите ученици да удрат осумгодишен врсник.

По наредба на Министерството за образование, наставникот привремено е суспендиран, јави дописникот на МИА од Атина.

Според родителите на осумгодишното дете, наставникот им наредил на група на ученици да го задржат, откако тој се обидел да ја напушти училницата пред да заѕвони училишното ѕвонче. Наставникот тврдел дека не дал таква наредба, и рекол оти момчето било повредено во тепачка со неговите соученици.