Трагедија на Галичица - еден загинат, еден тешко повреден

Eдно лице загина, а едно е тешко повредено по денешната трагедија на планината Галичица.

Според информациите на Плусинфо, несреќата се случила во провалија на тешко пристапен терен над селото Трпејца. Засега е познато дека во несреќата учествувале најмалку две лица, државјани на Албанија, од кои едното починало, а другото заработило тешки повреди.

Екипи на полицијата, Брзата помош, Противпожарната единица и на Црвениот крст се вклучени во извлекувањето на настраданите.