Камала Харис набргу ќе го објави својот потпретседателски кандидат

Демократската кандидатка Камала Харис се очекува да го претстави својот потпретседателски кандидат до утре, изјавија два извора за „Ројтерс“.

Харис го намали својот избор на тројца кандидати со кои разговараше во текот на викендот во Вашингтон – гувернерот на Минесота – Тим Волш, сенаторот од Аризона – Марк Кели и гувернерот на Пенсилванија – Џош Шапиро.

Во петокот таа разговараше 90 минути со секретарот за транспорт, Пит Бутиџиг, и виртуелно се сретна со гувернерот на Кентаки, Енди Бешеар, и со гувернерот на Илиноис, Џ. Б. Прицкер.

Изборот на потпретседателски кандидат за актуелен потпретседател на САД е најважната политичка одлука што Харис ја донела досега во пресрет на претседателските избори на 5 ноември, на кои ќе му се спротивстави на републиканецот Доналд Трамп.

Нејзиниот список на кандидати беше составен од белци, кои беа успешни во освојувањето на гласовите на руралните, белите и независните гласачи.

Кандидатите ќе бидат известени за нејзината одлука в понеделник вечер или вторник наутро, изјавија изворите за „Ројтерс“.

Потоа Харис и нејзиниот нов кандидат за потпретседател ќе посетат седум града за пет дена.