Ќе се лустрираат лицата вклучени во случајот Ченто
Комисијата за верификација на фактите одлучи да се отвори целото досие од случајот Методија Андонов – Ченто, кој со одлука на Врховниот суд на Македонија беше рехабилитиран, како жртва на монтиран политички процес.
Како што пренесе Дневник, сега се отвара можност Комисијата за лустрација а ги лустрира лицата кои биле вклучени во случај „Ченто“, а станува збор за 24 поранешни функционери. Прв на удар на можната лустрација ќе биде судскиот совет на Окружниот народен суд во Скопје, чиј претседател беше Панта Марина.
- Решено е да се отвори и расправата за досиејата на сите членови на првиот Президиум на АСНОМ за да се утврди кои се лицата што ним им ги прекршиле човекови права и слободи, вели Предраг Димитровски, портпарол на Kомисијата.
За потсетување, Методија Андонов-Ченто беше осуден во монтиран политички процес затоа што се залагал за обединување на Македонија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
