Денеска есен - за продолжениот викенд лето

Времето претпладне во Македонија ќе биде променливо облачно, во западните делови со слаб локален дожд, а попладне облачноста ќе се намалува. Ќе дува слаб локален ветер од јужен правец.

Утринската температура ќе се движи од пет до 13, а дневната од 17 до 24 степени.

Во Скопје времето претпладне ќе биде променливо облачно, а попладне со повеќе сончеви периоди. Утринската температура ќе се спушти до 12, а дневната ќе се искачи до 22 степена.

Во петок променливо облачно време со сончеви периоди и со повремен локален дожд во западните делови, а за викендот времето ќе биде стабилно и доста топло. Во недела температурата ќе се движи од 22 до 28 степени.