СДСМ: ВМРО-ДПМНЕ прочитајте си го Договорот
ВМРО-ДПМНЕ да си го прочита договорот, Македонија не се брише а македонскиот идентитет ќе биде признаен од целиот свет.
Во Член 1 од Договорот, којшто е јавно достапен за секој граѓанин, јасно стои дека државјанството е „македонско“, а официјален јазик е „македонски јазик“. Во Договорот е појаснето значењето на терминот „македонски“ и се додава дека нема на кој било начин да се поткопа, измени или влијае на употребата од страна на граѓаните.
Македонскиот идентитет, македонскиот јазик и македонската иднина се обезбедени еднаш засекогаш.
Македонскиот јазик станува еден од јазиците на НАТО, а по влезот на Македонија во ЕУ, ќе биде дел и од јазиците на Европската унија.
Што е тоа што на ВМРО-ДПМНЕ му пречи со признавањето на македонскиот идентитет од целиот свет?
Центар за комуникации со јавноста на СДСМ
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа