Антиќ секогаш со „срце на терен“ за Црвена звезда

Во своето прво интервју пренесено на официјалниот сајт на Црвена ѕвезда, Антиќ говори за причините поради кои се решил да се врати во Белград, како и очекувањата за новата сезона.

– Менаџерот и управата на Фенербахче го бараа најдоброто решение за мене, имав загарантиран договор, но имав дилема, дали да останам, да уживам во богатиот договор, или да играм и да бидам среќен некаде на друго место. Кога се појави Црвена Ѕвезда, не се двоумев ниту една секунда, иакко имав понуди, можев да имам подобар договор во Евролигата, петпати повеќе пари во Кина. Секогаш сакав да играм за Црвена Ѕвезда. Видов дека е вистинскиот проект, дека можам да помогнам, јас не сум финансиски товар за клубот, бидејќи Фенербахче ќе плати голем дел од тој договор”, вели Перо Антиќ.

Антиќ кој по неговиот прв настап во црвено-белиот дрес направи одлична кариера вели дека претстојната сезона нема да биде ни малку лесна.

– Кога играш за Црвена ѕвезда, секогаш постои голем притисок. Свесен сум дека во текот на сезоната ќе има многу падови и успони, а притисокот ќе биде најголем на нас поискусните играчи. Меѓутоа. Знаејќи колку навивачите не сакаат и поддржуваат, убеден сум дека ние ќе сториме се да им возвратиме. Што се однесува до мене, сите добро ме познаваат, а ја знаат и мојата парола „секогаш срце на терен“, изјави Антиќ кој во новата сезона ќе ја носи 12-ката на црвено-белиот дрес.