Скопје неделава ќе се спаси од досадните комарци

Градот Скопје ги известува граѓаните декаќе изврши авионска и терестрична дезинсекција против комарци, на подрачјето на Град Скопје.

 Четвртиот наврат на аеросолната дезинсекција (авионска) во 2013 година, на подрачјето на Град Скопје, ќе се одвива во деновите од претстојниот викенд, односно на 03. и 4. август, во период од 05:30 до 08:00 часот.

Четвртиот наврат на аеросолната дезинсекција (терестрична) во 2013 година, на подрачјето на Град Скопје, ќе се одвива во деновите од 05. до 9. август (од понеделник до петок), во период од 01:00 до 05:00  часот.

Доколку временските услови не го дозволуваат вршењето на аеросолната дезинсекција, информираат од Град Скопје, авионската дезинсекцијата ќе се изврши во истиот термин првиот нареден ден, кога временските услови ќе бидат поволни, а согласно на тоа ќе се извршува и терестричната дезинсекција.

Се известуваат пчеларите навремено да ги преземат потребните мерки за заштита на пчелите.