Антиќ оценет како најдобар дефанзивец на Атланта
Македонскиот кошаркар Перо Антиќ од страна на НБА е оценет како најдобар дефанзивец на Атланта.
Според анализите кои се направени на неговата игра, Антиќ кошаркарите кои ги чувал Македонецот имале реализација од поле со 44 проценти успешност што е за 1,9 помал процент од вообичаеното, додека играчите кои се чувани од него имаат 23,8 проценти реализација во обидите за три поени, што е 8,5 отсто помалку од вообичаено.
Пофалба има и за неговата скок игра, а статистиката вели дека Антиќ е еден од најдобрите центри во оваа категорија. Неговата игра во целата сезона е оценета со 6, а воедно се потенцира дека тој е од голема помош и во нападот бидејќи на соиграчите со поставување на блокови им создава простор за шут.
Перо Антиќ во сезоната што заврши имаше просек од 5,7 поени и 3 скокови по натпревар.
Инаку, на 16-ти јуни е закажано судењето на Перо Антиќ и Тибо Сефалоша во инцидентот кој се случи пред еден ноќен клуб во Њујорк со полицијата во месец април.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
