Акрамбе до крајот на сезоната во аут

Левиот бек на француската ракометна репрезентација и на ПСЖ Вилијам Акрамбе нема да може да настапува до крајот на сезоната поради повредата што ја доби на почетокот на вториот дел на дуелот меѓу Македонија и Франција.

Акрамбе го повреди коленото, а по лекарските прегледи е утврдено дека станува збор за повреда на менискусот и лигаментите на коленото.

Бекот на француската репрезентација по операцијата ќе мора да мине и четири месеци на рехабилитација.

Акрамбе е дел од француската репрезентација од 2009 година и има освоено златен медал на Светско првенство (Шведска 2011 и Катар 2015), Европско првенство (Данска 2014) и Олимписките игри (Лондон 2012).

Акрамбе во Скопје беше заменет од Тимотеј Н‘Гуесан, кој само во второто полувреме постигна пет голови.