Половина од Премиер лигата го сака Вилсон

Напаѓачот на Борнмут, Калум Вилсон, привлече внимание на дури десет клубови со одличната игра во Чемпионшип во оваа сезона.

Овој 23-годишен играч постигна 23 погодоци во сезоната и беше најзаслужен за историскиот пласман на Борнмунт во Премиер лигата, прв пат во 125-годишната историја на овој фудбалски клуб.

Во моментов го сакаат половина клубови од елитното фудбалско натпреварување.

Англиските медиуми шпекулираат дека заинтересирани се ривалите Тотенхем, Саунтемптон, Њукасл, Вест Хем, Свонси, Астон Вила, Кристал Палас, Хал, Сандерленд, како и Квинс Парк Ренџерси.

Вилсон во Борнмут пристигна минатото лето од Ковентри за 3 милиони фунти, што е најголем трансфер во историјата на клубот.

Фановите и челниците на клубот Борнмут очекуваат да опстанат во Премиер лигата наредната сезона.