ФОТО: Невидена бруталност на фудбалски меч во Германија

Невидена, брутална физичка пресметка се случила во саботата на меч од локалната германска лига помеѓу тимовите на Берлин СЦ и Спарта Лихтенберг.

Натпреварот, кој го гледале неколку десетици љубители на фудбалот, завршил со неколку повредени, а најмногу настрадал играчот на Спарта Стивен Деи-Квартег кој поради повредите веднаш бил префрлен во болница и му била извршена операција.

Како што јавува „Билд“ тој имал скршен нос.

Тренерот на Спарта Драган Костиќ тврди дека инцидентот бил планиран, бидејќи кај еден од напаѓачите забележал оружје.

-Кај еден од нив видов нож, тврди Костиќ.

Полицијата спровела истрага за инцидентот, а три лица биле приведени, а нема да им биде тешко да ги пронајде сите виновници бидејќи мало камера која ја снимила целата ситуација.

„Билд“ не ги објави причините поради кои дошло до инцидентот.