Манчестер Јунајтед го надигра шампионот Манчестер Сити
Дербито на 32. коло од Премиер лигата воедно и градско дерби на Манчестер заврши со триумф на домашаната екипа Јунајтед над првакот Сити со 4:2.
Победата е уште повредна бидејќи Манчестер Сити поведе во 8.минута со голот на Кун Агуеро. Манчестер Јунајтед изедначи во 14.минута преку Ешли Јанг, а водство од 2:1 во 27.минута донесе Маруан Фелаини. Третиот гол за домашната екипа го постигна Хуан Мата во 67.минута, а на 4:1 зголеми Крис Смолинг шест минути подоцна. Конечните 4:2 ги постави Агуеро со својот втор гол на натпреварот во 89.минута.
На вториот натпревар одигран денеска Челзи како гостин со голот на Цеск Фабрегас го совлада КПР со 1:0.
Оваа рунда ќе биде комплетирана со утрешниот дуел меѓу Ливерпул и Њукасл.
На вчера одиграните дуели беа постигнати резултатите: Барнли – Арсенал 0:1, Саутемптон – Хал 2:0, Сандерленд – Кристал Палас 1:4, Тотенхем – Астон Вила 0:1, ВБА – Лестер 2:3, Вест Хем – Стоук 1:1 и Свонси – Евертон 1:1.
Табела: Челзи 73 бодови, Арсенал 66, Манчестер Јунајтед 65, Манчестер Сити 61, Саутемптон 56, Ливерпул 54, Тотенхем 54,...
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
