Мицкоски: Граѓаните ќе ги искинат бугарските пасоши првиот ден кога ќе станеме дел од Европската унија

Премиерот Христијан Мицкоски вели дека сите оние граѓани кои имаат бугарски пасоши ќе ги искинат во првиот ден откако ќе станаме дел од Европската унија. Тој притоа кажа дека бугарскиот пасош не се зема за некој да стане Бугар туку тоа е направено од чисто економска пригода со цел полесно да се најде работа во земјите членки на ЕУ.

„Јас не можам да се мешам во одлуката на граѓанин да земе или не бугарски пасош. Јас имам информација дека од сите етнички заедници имаат земено бугарски пасош, но не да станат Бугари, туку од економска пригода, односно полесно да најдат работа во земјите во ЕУ. И јас сум убеден дека првиот ден откако ќе станеме дел од Европскaта унија, дека сите граѓани ќе ги искинат бугарските пасоши“, рече Мицкоски.