Македонската репрезентација остана на 66. место на ФИФА ранг-листата
Најновата ранг-листа на ФИФА објавена денеска не донесе измени за македонската фудбалска репрезентација која со 1368.41 бодови остана на 66. место.
Македонските фудбалери овој претрпеа пораз од Украина (0-2) во Прага во рамки на квалификациите за ЕУРО2024, а ја совладаа Ерменија (3-1) во пријателски натпревар во Струмица.
На врвот на ранг-листата на ФИФА, исто така, нема измени и води светскиот првак Аргентина, пред Франција, Бразил, Англија и Белгија.
Репрезентацијата на Португалија напредуваше две позиции и сега е на шестото место, пред Холандија, Шпанија и Италија, додека Хрватска падна за четири места и на најновото рангирање е на десеттата позиција.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
