Лекар во Берлин убил четворица пациенти, а потоа им ги запалил домовите

Лекар е уапсен во Берлин под сомнение дека убил четворица постари пациенти и подметнал пожари во нивните домови за да го прикрие тоа.

39-годишниот лекар, чие име не се соопштува, е обвинет дека во јуни и јули убил четворица пациенти кои биле згрижени во матичната здравствена служба.

Засега инспекторите не знаат како ги убил.

Во првиот случај на 11 јуни, пожарникарите успеале да извлечат 87-годишна жена, но таа набргу починала во болница.

Според истражителите, лекарот потоа убил 76-годишна жена на 8 јули, а уште две, на возраст од 72 и 94 години, на 15 и 24 јули.

Инспекторите не прецизираа кои биле можните мотиви за убиството.