Екстремен студ ја зафати Монголија, починаа повеќе од 4,7 милиони животни
Монголија ја погоди најстудената зима во последните 50 години, поради екстремниот студ, пцовисаа повеќе од 4,7 милиони животни, а загрозени се и егзистенцијата и снабдувањето со храна на илјадници луѓе, предупреди Меѓународната федерација на Црвениот крст (IFRC).
Од ноември минатата година, најмалку 2.250 семејства, кои се занимаваат со сточарство, изгубиле повеќе од 70 отсто од својот добиток, а повеќе од 7.000 семејства немаат пристап до соодветна храна, пренесува Си-ен-ен.
Екстремната зима зафати три четвртини од Монголија, а се очекува дополнително влошување на временските услови.
22.03.2024 - 11:03
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
