ВМРО-ДПМНЕ: Која е причината што ЈО молчи за идентичен случај и има различен третман во однос на поклонот на Мирчевски и поклонот Ауди Q8 од 130 000 евра на Филипче

ЈО со денови молчи и не превзема никакви дејствија во однос на изнесените сомнежи за криминал и милионските суми кои завршиле во бугарски фирми на кланот Заеви и Филипче, велат од ВМРО-ДПМНЕ.

„Молк од СДС и Филипче за Аудито Q8 кое го добил од фирмата Зобек мининг груп која пак добила тендер за набавка на јаглен за ЕСМ.

Молк и од ЈО за поклонот од 130.000 евра за Филипче.

Ниту еден субјект, правно или физичко лице, не дава поклон од 130.000 евра, на лице со кое нема роднинска поврзаност.  А кога лице кое нема роднинска поврзаност со друго лице, добива поклон од 130.000 евра, сосема јасно е дека станува збор или за затајување данок, или за перење пари или за тргување со влијание.

Кога имаме случај за поклон од 130.000 евра а се работи за политичар, пратеник и лидер на опозиција, сосема е јасно дека станува збор за нешто скриено

ЈО води постапка за ист ваков случај за Пеце Мирчевски, директор на СОЗР во време на СДС.

Мирчевски се терети дека добил два автомобила од фирма која добивала тендери. Мирчевски е обвинет за несовесно работење во службата од член 353-в став 3 во врска со ставовите 2 и 1 од Кривичниот законик.

Зошто ЈО молчи за Филипче, дали затоа што е претседател на СДС па Филипче има повластен третман?

Која е причината што ЈО молчи за идентичен случај и има различен третман во однос на поклонот на Мирчевски и поклонот Ауди на Филипче?

Со што Филипче ги уценува ЈО за да не постапуваат?

ЈО да отвори постапка, во спротивно премногу јасно и очигледно е дека работат во интерес исклучиво на Филипче и СДС“, стои во соопштението на ВМРО-ДПМНЕ.