ВМРО-ДПМНЕ: Дали Блерим Рамадани бил на Шапка за да гледа парцели, омиленото место за дивоградби на ДУИ?

Дали Блерим Рамадани бил на Шапка за да гледа парцели, омиленото место за дивоградби на ДУИ, прашуваат од ВМРО-ДПМНЕ.

„Дали ДУИ се ангажираат на Блерим Рамадани затоа што имаат приватен бизнис интерес од него?

Дали Али Ахмети му дава налог на Пајазити да овозможи бегство на Блерим Рамадани затоа што истиот има интерес од него?

За кого работи Пајазит Пајазити?“, додаваат од партијата на власт.

Институциите, велат од ВМРО-ДПМНЕ, да отворат постапка и да го разрешат Пајазити, кој ја извалка функцијата судија.