Венко Крстевски ќе биде независен кандидат за градоначалник на Кочани

Вршителот на должност градоначалник на Кочани, Венко Крстевски, објави дека на локалните избори во октомври годинава ќе бара доверба од граѓаните како независен кандидат.

Тој објави видео обраќање на својот Фејсбук профил.

-Во изминатите четири месеци, иако кратки, направивме многу. Но уште поважно, покажавме дека кога постои волја, постојат и решенија, рече тој.

Порача дека ова не е политичка битка, туку граѓанска обврска.

-Јас не ветувам чуда. Јас покажав резултати. Во најтешките моменти бев тука. Не пред камерите, туку пред народот, лице в лице, без страв и без калкулации. Јас не доаѓам да владеам, туку да служам. Да покажеме дека Кочани може поинаку! Достоинствено, европски и човечки, порача тој.