Таравари: Ако по Нова година не ги донесеме уставните измени, ќе го преиспитаме учеството во Владата
Еден од лидерите на коалицијата Вреди, Арбен равари, во телевизиско гостување рече дека е уверен оти за шест месеци, најдоцна за девет месеци, односно по Нова година, ќе се донесат уставните измени во интерес на одблокирање на европската интеграција. На прашањето како Вреди ќе постапи ако тоа не се случи, одговори: „Ќе го преиспитаме учеството во Владата“.
„Но, колку што можам да заклучам од разговорите со господинот Мицкоски, гледам дека има оптимизам. Јас сум оптимист дека ќе се реализира нашата заложба, зашто да потсетам, нашата определба за учество во Владата е забрзување на евроинтеграцискиот процес“, рече Таравари во гостување на ТВ21.
За почеток, Таравари вели дека отстранувањето на терминот од 20 отсто за албанскиот јазик е еден од главните услови, додека во иднина би биле заинтересирани за целосно нов Устав, кој би ја рефлектирал, како што нагласи, етничката и демографската реалност на земјата.
По изборите лидерите на Вреди и лидерот на ВМРО-ДПМНЕ официјално се имаат сретнато два пати. Овие денови си дадоа пауза за да ги „наполнат батериите по изборниот напор“ и да ги „анализираат своите програми заради усогласување на идната владина политика“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
