Путин: Руското нуклеарно оружје пристигна во Белорусија

Првото руско тактичко нуклеарно оружје пристигна во Белорусија, изјави денеска рускиот претседател Владимир Путин на Меѓународниот економски форум во Санкт Петербург.

Претходно денеска руската државна агенција ТАСС објави дека главното истражно тело на земјата отворило канцеларија во Белорусија во врска со испораката на тактичко нуклеарно оружје.

Белорусија, која се наоѓа западно од Русија и северно од Украина, е еден од најблиските сојузници на Москва. Тоа и помогна на Русија да ја започне својата првична инвазија на Украина во февруари 2022 година, дозволувајќи им на руските трупи да влезат во земјата од север.

Руската употреба на нуклеарно оружје е „теоретски можна доколку постои закана за постоењето на Руската Федерација“, изјави денеска Путин.