Предизвикал пожар и избегал - Македонската полиција го фати

Полициски службеници од Полициската станица Кочани по полноќ го лишиле од слобода 64-годишниот Г.Г. од селото Жиганци, општина Чешиново – Облешево.

Тој се сомничи дека околу 23.45 часот предизвикал пожар во нива на стариот пат Штип - Кочани во близина на село Кучичино, општина Чешиново – Облешево.

Пожарот бил изгаснат од екипа на Територијалната противпожарна единица Кочани,а повредени лица нема.

Лицето било задржано во Полициската станица Кочани и по целосно документирање на случајот, против него ќе биде поднесена соодветна пријва по член 288 од Кривичниот законик.