Патниците живеат втор живот: Најмалку 36 повредени лица во силни турбуленции во авион на „Хаваи ерланјнс“
Авион на компанијата „Хаваи ерлајнс“, што летал на линијата од Феникс, Аризона, до Хонолулу, Хаваи, вчера, на 30-тина минути пред слетувањето доживеал силни турбуленции, при што биле повредени најмалку 36 лица, од кои 11 сериозно, а меѓу нив има и деца.
Службите за итни случаи, вклучувајќи пожарникари, екипи на Брзата помош и Државниот спасувачки тим за пожари, биле повикани на аеродромот да одговорат на „итната ситуација со масовни жртви“ што се случи околу 11 часот, пишува Гардијан.
Од повредените 20 се пренесени во Ургентен центар, од кои 11 се во тешка состојба, а девет се во стабилна состојба.
Националната метеоролошка служба наведува дека е можно силните турбуленции да биле предизвикани од минувањето на авионот низ бура, бидејќи во тој момент во областа на летање биле пријавени грмотевици.
Портпаролот на авиокомпанијата „Хаваи ерлајнс“ додаде дека авионот „Ербас А330“ превезувал 278 патници и 10 членови на екипажот и влегол во зоната на турбуленции додека се приближувал до островите.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
