Париз, Лондон, Малме - купете си евтини карти за зимско шетање низ Европа

Најголемиот нискотарифен авиопревозник во централна и во источна Европа, „Виз ер“, го објави зимскиот ред на летање за 2014 година за Македонија. Мрежата на унгарската компанија, која ги користи услугите на аеродромот „Александар Велики“ со кој раководи „ТАВ Македонија“, ќе вклучува вкупно 14 дестинации во осум различни земји. Популарниот Париз, со два лета во текот на неделата, претставува идеален избор за македонските граѓани кои сакаат да заминат на романтично патување надвор од Скопје.

Освен до француската метропола, дел од останатите рути кои „Виз ер“ ги нуди во новиот зимски ред се до Ајндховен, Минхен и Лондон (по трипати неделно) и до Малме, градот кој ќе биде опслужуван со четири термина во текот на една седмица.

- „Виз ер“ со задоволство го претставува својот зимски ред на летање за Македонија. Бројни возбудливи дестинации, како Париз, Лондон и Малме, се веќе достапни по ниски цени од Скопје. Се надеваме дека нашите 14 интересни зимски летови ќе донесат многу насмевки во Македонија. Билетите за зимскиот распоред на патување за 2014 година веќе можат да се купат на нашата интернет-страница wizzair.com - вели претставникот на „Виз ер“, Даниел де Карваљо.