Скопје: Саем за високо образование во САД

Во Скопје денеска ќе се одржи Саем за високо образование во САД.

На саемот организиран од EducationUSA, студентите ќе имаат можност да се запознаат со активностите и ресурсите во американските катчиња, образовни центри, како и со програмите за образовна размена на Амбасадата на САД во Македонија. 

Студентите ќе може да добијат точни информации за се што ги интересира во врска со завршување на додипломски и постдипломски студии во САД.

Саемот е дел од универзитетската тура за 2014 година, која се организира во осум европски градови: Лисабон, Мадрид, Валенсија, Љубљана, Загреб, Белград, Сараево и Скопје.