Утре дожд - еве какво ќе биде времето до крајот на неделата
Времето утре ќе биде умерено до значително облачно со повремен дожд. Врнежите ќе бидат почести во западните делови и на крајниот исток. Во централните делови ќе има малку повеќе сонце. Ќе дува слаб југоисточен ветер.
Утринската температура ќе се движи од еден до седум, а дневната од девет до 16 степени.
Во Скопје времето ќе биде умерено до значително облачно со повремен дожд и со слаб југоисточен ветер. Утринската температура ќе се спушти до три, а дневната ќе се искачи до 14 степени.
Во следните денови ќе преовладува променливо облачно време кое ќе трае до крајот на работната недела. Ќе има и појава на локален дожд. Викендов ќе преовладува претежно стабилно и потопло време.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
