Македонските поети и писатели го одбележаа Светскиот ден на поезијата

По повод Светскиот ден на поезијата во Градскиот трговски центар во Скопје, Клубот Матица организираше настан на кој поетесите Александра Велинова, Ирена Ристевска и македонскиот поет и писател Ѓорги Барбаровски се дружеа со минувачите и им потпишуваа книги.

- Мојата поезија не можам точно да ја определам. Пред се би ја определила како дел од животот, а многу луѓе ја сфаќаат многу поразлично, рече Ристеска - Петаноска.

Поетесата Александра Велинова во врска со акцијата „Читај повеќе-Читај секаде“ изрази надеж дека „Матица македонска“ ќе успее на некој начин да им ги смени навиките на патниците кои влегуваат во автобус и тие наместо да разговараат меѓусебе или да анализираат луѓе околу себе да земат книга и да читаат, односно на некој начин да го следат трендот што веќе постои во Бугарија, Романија, Франција итн.